الثلاثاء، 12 أبريل 2016

احلى مكرونة بالبشاميل بالتكات والحركات مع تكاتى

عايزة تعملى مكرونة بالبشاميل ناجحة لما طلعى كل جزء ( خرطة ) منها تكون متماسكة تعالى شوفى الطريقة
الطبخ العربى - اكلات مصرية - المطبخ - بيت - اكلات - طبخات - فن الطبخ

أول حاجة تجيبى الصينية اللى هاتعملى فيها وترصى فيها المكرونه قبل ما تتسلق طبقة واحدة يعنى مش هاتستخدمى الكيس كله ممكن نصه 
ليه علشان المكرونه بتزيد عند السلق 


المقادير 
مكرونه ريش
6 ملاعق كبار دقيق
حليب
بهارات
ملح
1/2 لحم مفروم 
بصلتين كبار مفرومين
طماطم حوالى 6 حبات مضروبين فى الخلاط 
2 بيضة
الطريقة :-
أولا اللحمة المفرومة المعصجة

 شوحى البصل المفروم مع الزبدة وحطى شويه زيت صغيرين معاهم علشان الزبدة متتحرقش  حتى يصفر .
ضعى على البصل اللحمة المفرومة وقلبيهم جيدا ثم اتركيها تستوى جيدا
بعد ما تستوى ضعى عليها الطماطم واتركيها تتعصج .

ثانيا البشاميل
مهم جدا شوحى الدقيق مع زبدة وحبة زيت ضعى الحليب شويه بشويه حركى جيدا بالمضرب السلك لحد ما يذوب الدقيق فى الحليب واجعلي البشاميل ثقيل مش خفيف 
ملحوظة 
يجب ان نستمر بالتحريك بالمضرب حتى لا يتكتل الدقيق
ضيفى الملح والبهارات
ولما يبرد البشاميل ضعى عليه بيضتين وقلبى جيدا.

صينية المكرونة :
ضعى على المكرونة قبل رصها فى الصينية ملعقة غرف كبيرة من اللحم المعصج وملعقة غرف كبيرة من البشاميل وقلبى جيدا.

ادهنى الصينية بالزبدة وقسمى المكرونة طبقتين وضعى طبقة مكرونة ثم ضعى اللحم المعصج ثم الطبقة الثانيه من المكرونه .

غطيها بالبشاميل ثم ضعيها فى الفرن.
اتركيها لتستوى جيدا حتى يتحمر الوش.
لا تستعجلى فى تحمير الوش بفتح الشوايه .










ليست هناك تعليقات:

إرسال تعليق